- មហាគោតមសម្ពុទ្ធោ កុសិនារាយ និព្វុតោ ធាតុវិត្ថារកំ កត្វា តេសុ តេសុ វិសេសតោ ។
- ឧណ្ហីសំ ច តស្សោ ទាឋា អក្ខកា ទ្វេ ច សត្តមា អសម្ភិន្នា វ តា សត្តសេសា ភិន្ទា វ ធាតុយោ ។
- មហន្តា បញ្ច នាឡី ច មជ្ឈិមា ច ឆ នាឡិយោ ខុទ្ទកា បញ្ច នាឡី ច សម្ភិន្នា តិវិធា មតា ។
- មហន្តា ភិន្នមុគ្គា ច មជ្ឈិមា ភិន្នតណ្ឌុលា ខុទ្ទកា សាសបមត្តា ឯវំ ធាតុប្បមាណិកា ។
- មហន្តា សុវណ្ណវណ្ណា មជ្ឈិមា ផលិកប្បភា ខុទ្ទកា ពកុលវណ្ណា តាបិ វន្ទាមិ ធាតុយោ ។
- ឯកោ ថូកោ រាជគហ ឯកោ វេសាលិយា អហុ ឯកោ កបិលវត្ថុស្មឹ ឯកោ ច អលកប្បកេ ឯកោ ច រាមគាមស្មឹ ឯកោ ច វេដ្ឋទីបកេ ឯកោ បាវេយ្យកេ មល្ងេ ឯកោ ច កុសិនារកេ ។
- ឯតេ សារីរិកា ថូបា ជម្ពូទីបេ បតិដ្ឋិតា បូជិតា នរទេវេហិ អហំ វន្ទាមិ ធាតុយោ ។
- ឯការ ទាឋា តិទសបុរេ ឯកា នាគបុរេ អហុ ឯកា គន្ធារវិសយេ ឯកា សីហឡទីបកេ ។
- ឥមា ចតូសុ ឋានេសុ សត្ថុ ទាឋា បតិដ្ឋិតា បូជិតា នរទេវេហិ អហំ វន្ទាមិ ធាតុយោ ។
- ឧទ្ធំ ទក្ខិណទាឋា ច តាវត្តិង្សេ បតិដ្ឋិតា អធោ ទក្ខិណទាឋា ច សីហឡទីបេ បតិដ្ឋិតា វាមទាឋា ច ឧទ្ធម្បិ គន្ធាររដ្ឋេ បតិដ្ឋិតា វាមទាឋា ច អធោបិ នាគលោកេ បតិដ្ឋិតា បូជិតា នរទេវេហិ អហំ វន្ទាមិ ធាតុយោ ។
- ព្រហ្មលោកេ ទុស្សធាតុ វាមអក្ខកធាតុយោ សព្វេ ព្រហ្មាភិបូជេន្តិ ថូបំ ទ្វាទសយោជនំ ។
- តាវត្តិង្សម្ហិ ទេវានំ ចូឡាមណិម្ហិ កេសំ សព្វេ ទេវាភិបូជេន្តិ បសន្នា ពុទ្ធសាសនេ បូជិតា នរទេវេហិ អហំ វន្ទាមិ ធាតុយោ ។
- ចត្តាឡីស សមាទន្តា កេសា លោមា នខាបិ ច ទេវា ហរន្តិ ឯកេកំ ចក្កវាឡបរម្បរា បូជិតា នរទេវេហិ អហំ វន្ទាមិ ធាតុយោ។
- អដ្ឋារស ទ្វេ វស្សសតេ ធម្មាសោកោ តទា អហុ ចតុរាសីតិសហស្សា ចេតិយា ច ការាបិតា បូជិតា នរទេវេហិ អហំ វន្ទាមិ ធាតុយោ៕
ដកស្រង់ចេញពីសៀវភៅ: គិហិប្បតិបត្តិ ឃរាវាសធម៌
៚
Post a Comment