០៦៣ ៙ បួងសួងសុំសេចក្តីសុខ ៚

នមោតស្ស ភគវតោ អរហតោ សម្មាសម្ពុទ្ធស្ស ។ ឥតិបិសោ ភគវា ខ្ញុំសូមវរវន្ទា បង្គំព្រះស្រីរតនត្រ័យ ព្រះស្រីសពេជ្ញ លើសលើភពត្រ័យ គុណកែវទាំងបី នូវគុណព្រះមុនីឥសី ដែលលោករក្សាភូមិភពដែនដីនៃ នគរវង្សភ័ក្រ្តបូរី នេះណា សូមស្តេចយាងនិមន្តមកឆាប់រ៉ា ត្បិតប្រជានុរាស្រ្តមានទុក្ខជាទម្ងន់ ព្រាត់ប្រាសមាតាបិតា ម្តាយ ឪពុក ប្តីប្រពន្ធ កូនចៅ សាច់ផៅញាតិសន្តាន និរាសព្រាត់ប្រាស រងទុក្ខវេទនា ខ្លោចផ្សា អាណោចអាធម្មពន់ពេកណាស់ ណា ទើបខ្ញុំព្រះករុណាទាំងអស់គ្នា សូមអធិដ្ឋាន អារាធនា និមន្តព្រះមហា ឥសីអគ្គីនេត្រ ក្រឡេកឆេះ ទើបខ្ញុំព្រះករុណាទាំងអស់គ្នា អារាធនា និមន្តព្រះមហាឥសី ភិនេស្រ្កមណ៍ ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីគោតម ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីនារ័ត្ន ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីកែវមុនីជោត ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីមុនីរ័ត្ន ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីមុនី ទើបខ្ញុំព្រះករុណាទាំងអស់គ្នា អារាធនា និមន្តព្រះមហា ឥសីនារទៈ ព្រះមហាឥសីបត្តណេរ ទើបខ្ញុំព្រះករុណា ទាំងអស់គ្នា អារាធនា និមន្តព្រះមហា ឥសីមីគទារ័ត្ន ទើបខ្ញុំព្រះករុណា ទាំងអស់គ្នា អារាធនា និមន្តព្រះមហា ឥសីមិគទា ទើបខ្ញុំព្រះករុណា ទាំងអស់គ្នា អារាធនា និមន្តព្រះមហា ឥសីសង្គច្ចៈ ទើបខ្ញុំព្រះករុណា ទាំងអស់គ្នា អារាធនា និមន្តព្រះមហា ឥសីទសរ័ត្ន ទើបខ្ញុំព្រះករុណា ទាំងអស់គ្នា អារាធនា និមន្តព្រះមហា ឥសីអង្គភឹម ទើបខ្ញុំព្រះករុណា ទាំងអស់គ្នា អារាធនា និមន្តព្រះគោព្រះកែវ ស្តេចយាងត្រឡប់មកគង់ នៅព្រះនគរយើងវិញ ទោសកំហុសដែលកន្លងទៅហើយ សួនព្រះគោ និងព្រះកែវ និងព្រះមហាឥសីគោតម និងព្រះពិស្ណុការ សូមស្តេចលើកលែង ទោសា សូមព្រះមហាឥសីគោតម ដែលស្តេចដាក់បណ្តាសាឲ្យនគរក្រុង កម្ពុជា ទៅជាព្រៃទោច ព្រៃស្វា សូមស្តេចនិមន្តមកលាបណ្តាសាចេញ ហើយ ខ្ញុំព្រះករុណាទាំងអស់គ្នា សូមបួងសួងដល់គុណព្រះរតនត្រ័យ គុណកែវទាំង បី ជួយប្រសិទ្ធីពរជ័យឲ្យព្រះមហាឥសី បានតឈាន វិញដូចអំពីដើមហោង សូម ព្រះមហាឥសីស្តេចប្រសិទ្ធិពរជ័យប្រែឈ្មោះនគរទៅ ជាវង្សភ័ក្រ្តបូរី ស្រីមហានគរដ៍ឆ្នើម ឲ្យឡើងជាមហាចក្រភពក្នុងពិភពលោកទាំងមូល ជា មហា អំណាចមានស្តេចចំណុះ២២៧ប្រទេសជាចំណុះ នគរខ្មែរយើងដូច កាលអំពីជំនាន់ជ័យវរ័្មនទី៧ស្តេចគង់នៅ ហើយសូមឲ្យស្តេចប្រសិទ្ធិពរជ័យ ស្តេចខ្មែរយើងសព្វថ្ងៃ ឲ្យមានមហិទ្ធិរិទ្ធចេស្តា ព្រះឱស្ឋទិព្វ ព្រះនេត្រទិព្វ ព្រះកាណ៌ទិព្វ ព្រះហស្ថទិព្វ ចង្អុលព្រះហស្ថទិព្វ ព្រះខ័នទិព្វ ធ្នូទិព្វ សម្បត្តិព្រះរាជទ្រព្យទិព្វ ដំរីស ភ្លុកខៀវទិព្វ មកជាសម្បត្តិរដ្ឋទាំងអស់ ទើបខ្ញុំព្រះករុណាទាំងអស់គ្នា សូមអធិដ្ឋាន សូមព្រះឥន្ទ នូវព្រះព្រហ្ម នូវ ព្រះបិតាយមរាជ សូមស្តេចយាងចុះចាកទែនសយនា សូមស្តេចយាង ជួយព្រះគោ ព្រះកែវ ដែលស្តេចមានទុក្ខរាប់សតវត្សមកហើយ សូមស្តេចជួយ ឲ្យមានមហិទ្ធិរិទ្ធចេស្តាខ្លាំងក្លាអស្ចារ្យ ព្រះគោស្តេចរោទិ៍៣ដង របើកទាំង ក្រឡាមហាប្រឹថពី របើកសណ្តក ទាំងដែកគោលមាស បាក់ទាំងទ្រុង៧ជាន់ លាន់ទាំងធរណី រលំទាំងបាងកក របកទាំងវាំងវា ដាច់ទាំងរនាំងខ្ចាត់ខ្ចាយ ដល់កណ្តាប់ចក្កវាឡា ស្តេចយាងមកគង់នៅអង្គរធំ អង្គរតូច មនុស្សផងកុះកុំ ជុំដូចពីដើម ថ្កុំថ្កើងរុងរឿង គ្រប់គ្រឿង របស់ចាស់ៗកើតថ្មីវិញហោង ផលផុសដុះឯង ពុំក្រែងត្រង់ក្រ មនុស្សល្អដូចៗគ្នា ប្រទេសនានា សឹងនាំ សួយសារ អាករ សួយទេយ្យមកថ្វាយព្រះមហាក្សត្រខ្មែរយើង មាសប្រាក់ កែវកង ពិទូរ្យសូរ្យកាន្ត មាសប្រាក់ផុសពាសពេញដីស្រីមហានគរ វង្សភ័ក្រ្ត បូរីទឹកដីព្រំប្រទល់ខាងលិចទល់ភូមា ខាងចិនទល់សមុទ្រតុងកឹង ខាងវៀត ណាម ទល់សមុទ្រក្រហមសឹងបានមកវិញហោង ដោយបុណ្យសម្ភារ តេជះ បារមីព្រះពុទ្ធ ព្រះធម៌ ព្រះសង្ឃ ព្រះទាំង៥ព្រះអង្គ នូវគុណព្រះឥន្ទ ព្រះព្រហ្ម នូវគុណព្រះបិតាយមរាជ នូវគុណព្រះចតុលោកបាលទាំងបួន នូវគុណព្រះកឹករណំ ព្រះម៉ែគង្ហីងព្រះធរណី នូវស្តេចនាគ នូវស្តេចក្រុងពិលី នូវគុណទេវតាទាំងមួយ ម៉ឺនលោកធាតុ នូវគុណអ្នកសច្ចំទាំង៨សែនកោដិ លោកមកជួយជ្រោមជ្រែងបីបាច់ថែរក្សា ហើយលោកជួយទ្រទ្រង់ ព្រះពុទ្ធ សាសនា ឲ្យបានថ្កុំថ្កើងរុងរឿង ដូចកាលព្រះអង្គនៅ គង់ធម្មានៅឡើយ ហើយនគរ យើងសុខហើយសុខទៀត ហើយសុខរែងសុខ ប្រជានុរាស្រ្ត គ្រប់ស្រុកសឹងសុខក្សេមក្សាន្ត ជម្ងឺរោគាសឹងសះជាឯង ខ្វាក់ខ្វិនក្រងឹងក្រងង់ កំពេកកំពក កំបិកកំបាក់ ក្រហិបក្រហុបសឹងជាអស់ សក់ស្កូវខ្មៅវិញស្រឹល ពូក ព្រែ ខ្នល់ខ្នើយសឹងកើតឯង ពុំក្រែងត្រង់ក្រ មនុស្សសម្បុរល្អដូចគ្នា ឪពុកត្រង់នឹងម្តាយ ប្តីត្រង់នឹងប្រពន្ធ ប្រពន្ធត្រង់នឹងប្តី រាស្រ្តត្រង់នឹងនាម៉ឺន នាម៉ឺនត្រង់នឹងស្តេច ស្តេចគោរពទ្រទ្រង់ព្រះពុទ្ធសាសនា តាមគន្លងប្រពៃណី អំពី បរមបុរាណ ដូចស្តេចកាលព្រះអង្គស្តេចគង់ធម្មានៅឡើយ ហើយខ្ញុំ ព្រះករុណាទាំងអស់គ្នា សូមបួងសួងដល់ព្រះពិស្ណុការ សូមស្តេចយាងយាត្រា មកកសាងនគរវង្សភ័ក្រ្តបូរីយើងវិញ សាងប្រាសាទនានាក្នុងនគរ យើងឲ្យ បានរុងរឿង សម្បូណ៍សប្បាយ អស្ចារ្យឡើងជាមហាអំណាចក្នុងពិភពលោក ទាំងមូល ហើយគេថ្វាយទឹក ថ្វាយដី ថ្វាយព្រៃព្រឹក្សា ព្រះពុទ្ធសាសនា ឲ្យបានគ្រប់៥០០០ ព្រះវស្សាពេញ បរិបូណ៌តរៀងទៅហោង៕

ដកស្រង់ចេញពីសៀវភៅ:   គិហិប្បតិបត្តិ ឃរាវាសធម៌ ៚